பழனி மலைமேல இருக்கிற முருகனுக்கு பக்தர்கள் மொட்டை அடிக்கிறாங்களோ இல்லையோ, கீழ இருக்கிற ரிஜிஸ்டர் ஆபீஸ்ல வச்சு, பழனி முருகனுக்கே ‘பட்டை’ நாமம் போட்டு, மொத்தமா மொட்டை அடிக்கப் பார்த்திருக்கார் ஒரு புண்ணியவான்.
ஆமாங்க… “பழனிக்கு பஞ்சாமிர்தம் ஃபேமஸ்” அப்படீங்கிறதை விட, இப்ப “பழனி ரிஜிஸ்டர் ஆபீஸ்ல பஞ்சாயத்து தான் ஃபேமஸ்” ஆகுற அளவுக்கு ஒரு அதிரடி ஆட்டம் நடந்திருக்கு!
ஒரு நாள் ரஜினி ஸ்டைல் ‘சிவாஜி’… ஆனால் வில்லன் ரோல்!
அர்ஜுன் படத்துல வர்ற மாதிரி ‘ஒரு நாள் முதலமைச்சர்’ கேள்விப்பட்டிருப்பீங்க. நம்ம திண்டுக்கல் சார்பதிவாளர் ஜஸ்டின் மணிகண்டன் “ஒரு நாள் பொறுப்பு அதிகாரி”யா பழனி ஆபீஸ்க்குள்ள கால் எடுத்து வச்சிருக்கார். வந்தோமா, நாற்காலியில உட்கார்ந்தோமா, ஃபைல்ல கையெழுத்து போட்டோமா, சாயங்காலம் வீட்டுக்குக் கிளம்பினோமான்னு இருந்திருக்கலாம்.
ஆனா, நம்ம சாருக்கு ‘சிவாஜி’ பட ரஜினி மாதிரி ‘ஒரே நாள்ல ஓஹோன்னு’ ஆகணும்னு ஆசை வந்துடுச்சு போல!
என்ன செஞ்சார் தெரியுமா?
பழனி தண்டாயுதபாணி சுவாமி கோவிலுக்குச் சொந்தமான, சும்மா இல்லீங்க… அப்படியே ரவுண்டா 100 கோடி ரூபாய் மதிப்புள்ள கோவில் நிலத்தை, “இந்தாங்க வச்சுக்கோங்க”ன்னு ஒரே நாள்ல சில தனிநபர்களுக்குப் பட்டா போட்டு, பத்திரப் பதிவும் பண்ணிக் கொடுத்துட்டாரு!
முருகா… உனக்கே இந்த நிலைமையா? உலகத்துக்கே படி அளக்குற சாமிக்கே, நிலத்தை அளந்து வேற யாருக்கோ வித்திருக்காரு நம்ம அதிகாரி.
வேகத்துல உசேன் போல்ட்… விவேகத்துல?
கோவில் நிலத்தை விக்கக்கூடாது, மாத்தக்கூடாதுன்னு எத்தனையோ சட்டம் இருக்கு. ஆனா, “சட்டமாவது… திட்டமாவது… இன்னைக்கு ஒரு நாள் நான் தான் கிங்”னு நினைச்சாரோ என்னவோ, ‘ராக்கெட்’ வேகத்துல ரிஜிஸ்ட்ரேஷன் ஃபார்மாலிட்டீஸ் எல்லாம் முடிஞ்சிருக்கு. வழக்கமா ஒரு சாதாரண பொதுஜனம் பத்திரப் பதிவுக்குப் போனா, “அங்க போ, இங்க போ, இந்த டாக்குமெண்ட் எங்க?”ன்னு அலையவிடுற ஆபீஸ்ல, 100 கோடி ரூபாய் லேண்ட் டீல் ஒரே நாள்ல ‘சுபமாய்’ முடிஞ்சிருக்குன்னா… அந்த வேகத்தைப் பாராட்டியே ஆகணும்!
கிடைச்சது ‘பஞ்சாமிர்தம்’ இல்ல… ‘பணியிடை நீக்கம்’!
விஷயம் சத்தமில்லாம முடிஞ்சதுன்னு அதிகாரி நிம்மதியா பெருமூச்சு விடுறதுக்குள்ள, ‘அறநிலையத்துறை’யும், ‘பதிவுத்துறை’யும் சாட்டையைச் சுழற்றிடுச்சு. “என்னப்பா நடக்குது அங்கே?”ன்னு விபரத்தைக் கேட்டுட்டு, ஒரே போடா… நம்ம ஜஸ்டின் மணிகண்டனை ‘சஸ்பெண்ட்’ (பணியிடை நீக்கம்) பண்ணி வீட்டுக்கு அனுப்பிட்டாங்க.
பாவம், ஒரு நாள் ஹீரோவா இருக்க ஆசைப்பட்டு, இப்ப ‘நோ ஒர்க், நோ சேலரி’ மோட்-க்கு போயிட்டாரு.
முருகன் கையில் வேல்… அதிகாரிகள் கையில் ஃபைல்!
பழனி முருகன் கையில் வேல் வச்சிருக்கிறது எதுக்குன்னா, அசுரர்களை அழிக்கிறதுக்கு மட்டும் இல்ல… இந்த மாதிரி ‘நில அசுரர்கள்’ கிட்ட இருந்து தன் சொத்தைக் காப்பாத்திக்கிறதுக்கும் தான்னு நெட்டிசன்கள் இப்போ கலாய்ச்சிட்டு இருக்காங்க.
‘எல்லாம் அவன் செயல்’னு சும்மா இருக்காம, தப்பு செஞ்ச அதிகாரிக்கு செம ‘ஆப்பு’ வச்ச உயர் அதிகாரிகளுக்கு ஒரு சல்யூட். இப்போதைக்கு அந்த 100 கோடி நிலப்பதிவை ரத்து செஞ்சு, சொத்தை மீட்கும் வேலை படுஜோரா நடக்குது.
பழனி முருகா… உனக்கு அர்ச்சனை பண்ண ‘பஞ்சாமிர்தம்’ வேணுமான்னு கேட்டா, இந்த அதிகாரிகள் உனக்கே தெரியாம உன் நிலத்தையே ‘பஞ்சாமிர்தம்’ மாதிரி நைசா நக்கித் துடைக்கப் பார்க்குறாங்களேப்பா!