விருதுநகர் மாவட்டம், பாப்பாக்குடியில் சிறப்பு கால்நடை சுகாதார மற்றும் விழிப்புணர்வு முகாம் நடைபெற்றது. இம்முகாமினை மாண்புமிகு அமைச்சர்கள் கு.ஜெகதீஸ்வரி, ச.கீர்த்தனா ஆகியோர் தலைமை தாங்கி தொடங்கி வைத்தனர்.
நிகழ்ச்சியில் மாவட்ட ஆட்சித்தலைவர் சுகபுத்ரா சிறப்பு விருந்தினராக கலந்து கொண்டு முகாமை பார்வையிட்டார்.
முகாமில் பாப்பாக்குடி மற்றும் சுற்றுவட்டார கிராமங்களைச் சேர்ந்த கால்நடை வளர்ப்போர் ஏராளமானோர் கலந்து கொண்டனர். கால்நடைகளுக்கு தேவையான தடுப்பூசிகள், நோய் தடுப்பு சிகிச்சைகள், குடற்புழு நீக்க மருந்துகள் மற்றும் சத்து மருந்துகள் உள்ளிட்ட மருத்துவ சேவைகள் இலவசமாக வழங்கப்பட்டன.
மேலும், கால்நடை வளர்ப்பில் நவீன தொழில்நுட்பங்களை பயன்படுத்தும் முறைகள், கோடை மற்றும் மழைக்காலங்களில் கால்நடை பராமரிப்பு வழிமுறைகள், பால் உற்பத்தியை அதிகரிக்கும் நுட்பங்கள் குறித்து கால்நடை வளர்ப்போருக்கு விழிப்புணர்வு மற்றும் ஆலோசனைகள் வழங்கப்பட்டன.
இதனைத் தொடர்ந்து, பயனாளிகளுக்கு அரசின் பல்வேறு நலத்திட்ட உதவிகள் மற்றும் கால்நடை பராமரிப்பு உபகரணங்களை அமைச்சர்கள் மற்றும் மாவட்ட ஆட்சித்தலைவர் நேரில் வழங்கினர்.
கிராமப்புற பொருளாதார வளர்ச்சிக்கும், கால்நடை வளர்ப்போரின் வாழ்வாதாரத்தை மேம்படுத்தவும் இதுபோன்ற சிறப்பு முகாம்கள் தொடர்ந்து நடத்தப்படும் என தெரிவிக்கப்பட்டது.
