தமிழ்நாடு முதலமைச்சர் திரு. ச. ஜோசப் விஜய் அவர்கள் தலைமையில் இன்று (21.9.2026) தலைமைச் செயலகத்தில், “வெற்றிப் பயணம்” திட்டத்தின் முன்னேற்பாடுகள் குறித்த ஆய்வுக் கூட்டம் நடைபெற்றது.
மகளிருக்கான கட்டணமில்லா பேருந்துப் பயணத் திட்டத்தை விரிவுபடுத்தும் வகையில் உருவாக்கப்பட்டுள்ள “வெற்றிப் பயணம்” திட்டத்தை வரும் அக்டோபர் 2-ஆம் தேதி முதல் செயல்படுத்துவதற்கான பணிகள் குறித்து இந்தக் கூட்டத்தில் ஆய்வு செய்யப்பட்டது.
இத்திட்டத்தின் கீழ், மாநகரம், நகர்ப்புறங்களில் இயங்கும் பல்வேறு வகை அரசுப் பேருந்துகள் மற்றும் புறநகர் பேருந்துகளிலும் மகளிர் கட்டணமின்றி பயணம் செய்யும் வகையில் வசதிகள் விரிவுபடுத்தப்பட உள்ளன.
கூட்டத்தில் போக்குவரத்துத் துறை அமைச்சர், தலைமைச் செயலாளர் உள்ளிட்ட அரசு உயர் அலுவலர்கள் கலந்து கொண்டு, திட்டத்தின் செயல்பாடுகள், தொழில்நுட்ப ஏற்பாடுகள் மற்றும் நடைமுறைப்படுத்தும் பணிகள் குறித்து ஆலோசனை மேற்கொண்டனர்.
