நீதிமன்ற வழக்குகள் காரணமாக 5 தொகுதிகளுக்குத் தேர்தல் அறிவிக்கப்படவில்லை
சென்னை: தமிழகத்தில் தற்போது ஏழு சட்டமன்றத் தொகுதிகள் காலியாக உள்ள நிலையில், மதுராந்தகம் (தனி) மற்றும் தாராபுரம் (தனி) ஆகிய இரண்டு தொகுதிகளுக்கு மட்டுமே இடைத்தேர்தல் அறிவிக்கப்பட்டுள்ளது.
இவ்விரு தொகுதிகளுக்கான வாக்குப்பதிவு அக்டோபர் 6-ஆம் தேதியும், வாக்கு எண்ணிக்கை அக்டோபர் 9-ஆம் தேதியும் நடைபெறும் என்று இந்தியத் தேர்தல் ஆணையம் அறிவித்துள்ளது.
இடைத்தேர்தல் நடைபெறும் தொகுதிகள்:
35 – மதுராந்தகம் (தனி)
101 – தாராபுரம் (தனி)
முக்கியத் தேர்தல் தேதிகள்:
- செப். 9 – தேர்தல் அறிவிக்கை
- செப். 16 – வேட்புமனு தாக்கல் செய்யக் கடைசி நாள்
- செப். 17 – வேட்புமனுக்கள் மீதான பரிசீலனை
- செப். 19 – வேட்புமனுக்களைத் திரும்பப் பெறக் கடைசி நாள்
- அக். 6 – வாக்குப்பதிவு
- அக். 9 – வாக்கு எண்ணிக்கை
மற்ற 5 தொகுதிகளுக்கு ஏன் இடைத்தேர்தல் இல்லை?
தமிழகத்தில் மொத்தம் ஏழு சட்டமன்றத் தொகுதிகள் காலியாக இருந்தாலும், மீதமுள்ள ஐந்து தொகுதிகள் தொடர்பான தேர்தல் வழக்குகள் நீதிமன்றத்தில் நிலுவையில் உள்ளதாகத் தெரிவிக்கப்பட்டுள்ளது.
இதன் காரணமாக, அந்த ஐந்து தொகுதிகளுக்கு இப்போதைக்கு இடைத்தேர்தல் அறிவிக்கப்படவில்லை. மதுராந்தகம் மற்றும் தாராபுரம் தொகுதிகள் தொடர்பாக நீதிமன்ற வழக்குகள் ஏதுவும் இல்லாததால், அவற்றுக்கு மட்டும் தேர்தல் அட்டவணை வெளியிடப்பட்டுள்ளது.
இடைத்தேர்தலில் மின்னணு வாக்குப்பதிவு இயந்திரங்கள் (EVM) மற்றும் வாக்காளர் சரிபார்ப்பு காகித தணிக்கை தடங்கள் (VVPAT) பயன்படுத்தப்படும் என்று தேர்தல் ஆணையம் தெரிவித்துள்ளது.
