9-ஆம் வகுப்பு மாணவர்கள் அக்டோபர் 13-ஆம் தேதிக்குள் விண்ணப்பிக்கலாம்
தமிழ்நாட்டில் ஊரகப் பகுதிகளில் 9-ஆம் வகுப்பு பயிலும் மாணவ, மாணவிகளுக்காக ஆண்டுதோறும் நடத்தப்படும் தமிழ்நாடு ஊரகத் திறனாய்வுத் தேர்வு, 2026-27 கல்வியாண்டில் வரும் நவம்பர் 21-ஆம் தேதி (சனிக்கிழமை) நடைபெற உள்ளது.
அரசுத் தேர்வுகள் இயக்ககம் வெளியிட்டுள்ள செய்திக் குறிப்பில் தெரிவிக்கப்பட்டுள்ளதாவது:
தமிழ்நாடு ஊரகப் பகுதிகளில் 9-ஆம் வகுப்பு பயிலும் மாணவர்களுக்கான ஊரகத் திறனாய்வுத் தேர்வு, 1991-92-ஆம் கல்வியாண்டு முதல் நடத்தப்பட்டு வருகிறது.
2026-27 கல்வியாண்டில் சென்னை மாவட்டம் தவிர, தமிழ்நாட்டில் கிராமப் பஞ்சாயத்து மற்றும் Township பகுதிகளில் செயல்படும் அரசு அங்கீகாரம் பெற்ற பள்ளிகளில் 9-ஆம் வகுப்பு பயிலும் மாணவர்கள் இத்தேர்வுக்கு விண்ணப்பிக்கலாம்.
தேர்வில் தேர்வு செய்யப்படும் மாணவர்களுக்கு ஒவ்வொரு கல்வி மாவட்டத்திலும் 50 மாணவர்கள், 50 மாணவிகள் என தேர்வு செய்யப்பட்டு, ஆண்டுக்கு ரூ.1,000 வீதம் 4 ஆண்டுகளுக்கு உதவித்தொகை வழங்கப்படும். இதன் மூலம் ஒரு மாணவருக்கு மொத்தம் ரூ.4,000 உதவித்தொகை கிடைக்கும்.
மாணவர்கள் தங்கள் பள்ளிகள் மூலம் ரூ.10 தேர்வுக் கட்டணம் செலுத்தி விண்ணப்பிக்க வேண்டும்.
* விண்ணப்பிக்கும் தொடக்கம்: 07.10.2026 பிற்பகல்
* கடைசி நாள்: 13.10.2026
* தேர்வு நாள்: 21.11.2026, சனிக்கிழமை
* தேர்வுக் கட்டணம்: ரூ.10
எனவே, தகுதியுடைய 9-ஆம் வகுப்பு மாணவர்கள் உரிய காலத்துக்குள் தங்கள் பள்ளிகள் மூலம் விண்ணப்பிக்குமாறு அரசுத் தேர்வுகள் இயக்ககம் அறிவுறுத்தியுள்ளது.
