தமிழகத்தில் பல்வேறு மாவட்ட வருவாய் அலுவலர்கள் (DRO) மற்றும் உயர் அதிகாரிகளை பணியிட மாற்றம் செய்து, புதிய பொறுப்புகளில் நியமித்து தமிழக அரசு உத்தரவிட்டுள்ளது.
இதுதொடர்பாக பொதுத்துறை (சிறப்பு.A) சார்பில் அரசாணை வெளியிடப்பட்டுள்ளது. அதன்படி மேற்கொள்ளப்பட்டுள்ள முக்கிய இடமாற்றங்கள் மற்றும் நியமனங்கள்:
* P. சைலேந்திரன் – தமிழ்நாடு வீட்டுவசதி வாரிய மாவட்ட வருவாய் அலுவலர் (நில எடுப்பு) பொறுப்பிலிருந்து சிவகங்கை மாவட்ட வருவாய் அலுவலராக நியமனம்.
* உமாமகேஸ்வரி ராமச்சந்திரன் – பெருநகர சென்னை மாநகராட்சி உதவி ஆணையர் (பொது நிர்வாகம் மற்றும் பணியாளர்கள்) பொறுப்பிலிருந்து சென்னை நில நிர்வாக ஆணையரக மாவட்ட வருவாய் அலுவலர் / இணை ஆணையராக நியமனம்.
*P. ராஜலட்சுமி – திருப்பத்தூர் கூட்டுறவு சர்க்கரை ஆலை நிர்வாகி பொறுப்பிலிருந்து வேலூர் தேசிய நெடுஞ்சாலை சிறப்பு மாவட்ட வருவாய் அலுவலராக (நில எடுப்பு) மாற்றம்.
* D. அம்பாயிரநாதன் – விழுப்புரம் நெடுஞ்சாலைத்துறை சிறப்பு மாவட்ட வருவாய் அலுவலர் (நில எடுப்பு) பொறுப்பிலிருந்து சென்னை விமான நிலைய விரிவாக்கத் திட்ட சிறப்பு மாவட்ட வருவாய் அலுவலராக நியமனம்.
* K. மணிகண்டன் – தமிழ்நாடு சுகாதார அமைப்புத் திட்டத்திலிருந்து விழுப்புரம் நெடுஞ்சாலைத்துறை சிறப்பு மாவட்ட வருவாய் அலுவலராக (நில எடுப்பு) நியமனம்.
* S. பானு – சென்னை தமிழ்நாடு சுகாதார அமைப்புத் திட்டத்தின் மாவட்ட வருவாய் அலுவலராக நியமனம்.
* C. கீதா – திண்டுக்கல் தேசிய நெடுஞ்சாலை சிறப்பு மாவட்ட வருவாய் அலுவலர் பொறுப்பிலிருந்து கிருஷ்ணகிரி–ஓசூர் சாட்டிலைட் டவுன் ரிங் ரோடு திட்டத்தின் சிறப்பு மாவட்ட வருவாய் அலுவலராக மாற்றம்.
* J. லொரெட்டா – திண்டுக்கல் தேசிய நெடுஞ்சாலை சிறப்பு மாவட்ட வருவாய் அலுவலராக (நில எடுப்பு) நியமனம்.
* V. விமல்குமார் – தலைமைச் செயலக சமூக நீதித் துறையின் மாநில அளவிலான பரிசீலனைக் குழு-3 மாவட்ட வருவாய் அலுவலர் / உறுப்பினர் செயலராக நியமனம்.
* S. சிவராம் – திருச்சிராப்பள்ளி ஒழுங்கு நடவடிக்கை ஆணையரக மாவட்ட வருவாய் அலுவலர் / ஆணையராக நியமனம்.
இதுதவிர,T. முத்துராமலிங்கம் பெருநகர சென்னை மாநகராட்சியின் மாவட்ட வருவாய் அலுவலர் (நிலம் மற்றும் எஸ்டேட்) பதவிக்கும், A. கௌசல்யா மாநகராட்சி உதவி ஆணையர் (பொது நிர்வாகம் மற்றும் பணியாளர்கள்) பதவிக்கும் நியமிக்கப்பட உள்ளனர்.
Dr. S. செல்வாசுரப, தமிழ்நாடு நுகர்பொருள் வாணிபக் கழகத்தின் பொது மேலாளர் (சந்தைப்படுத்துதல்) பொறுப்புக்கும், R. ராஜேந்திரன், பொது மேலாளர் (வணிகம்) பொறுப்புக்கும் நியமிக்கப்பட உள்ளனர்.
மேலும், V. லதா (ஜூனியர்) தமிழ்நாடு நுகர்பொருள் வாணிபக் கழகத்தின் நாகப்பட்டினம் மண்டல முதுநிலை மண்டல மேலாளராகவும், N. உமாமகேஸ்வரி திருச்சிராப்பள்ளி மாவட்ட கூட்டுறவு பால் உற்பத்தியாளர்கள் ஒன்றியத்தின் (ஆவின்) பொது மேலாளராகவும் நியமிக்கப்பட உள்ளனர்.
