ஆபரணத் தங்கம் விலை தொடர்ந்து 3ஆவது நாளாக இன்றும் விலை குறைந்துள்ளது. ஒரு சவரனுக்கு ரூ.600 குறைந்து, ரூ.1,17,200-க்கும் விற்பனை செய்யப்படுகிறது.
சர்வதேச சந்தை நிலவரம், போர்ச்சூழல் உள்ளிட்ட காரணங்களால் தங்கம் விலை தொடர்ந்து அதிகரித்து வருவது, ஒருசில நேரங்களில் விலை இறங்குவதுமாக உள்ளது. கண்ணாமூச்சி காட்டி வரும் தங்கம், வெள்ளி விலை கடந்த சில நாட்களாக இறங்குமுகத்தில் இருப்பது, மக்களுக்கு சற்று ஆறுதலை தந்துள்ளது.
இந்நிலையில், 3ஆவது நாளாக இன்றும் சென்னையில் தங்கம் விலை தொடர்ந்து சரிவைச் சந்தித்துள்ளது. ஆகஸ்ட் 27ஆம் தேதி ஒரு கிராம் தங்கத்தின் விலை ரூ.70 குறைந்ததுடன், ஒரு சவரனுக்கு ரூ.560 குறைந்து விற்பனை செய்யப்பட்டது.
அதேபோல் ஆகஸ்ட் 28ஆம் தேதியான இன்றும் ஒரு கிராம் தங்கத்தின் விலை மேலும் ரூ.75 குறைந்துள்ளது. இதன்படி, ஒரு சவரன் தங்கத்தின் விலை சுமார் ரூ.600 குறைந்துள்ளது. ஒரு கிராம் ஆபரணத் தங்கம் ரூ.14,650-க்கும், ஒரு சவரன் ரூ.1,17,200-க்கும் விற்பனை செய்யப்படுகிறது. ஒரு கிராம் 24 கேரட் தங்கம் ரூ.15,982-க்கும், ஒரு சவரன் ரூ.1,26,856-க்கும் விற்பனை செய்யப்படுகிறது.
தங்கத்தைத் தொடர்ந்து வெள்ளி விலையும் தொடர்ந்து சரிவைச் சந்தித்து வருகிறது. கடந்த வாரத்தில் ஒரு கிராம் வெள்ளி ரூ.275-க்கு விற்பனை செய்யப்பட்ட நிலையில், தற்போது ரூ.260 ஆகக் குறைந்துள்ளது. இன்றைய நிலவரப்படி, ஒரு கிராம் வெள்ளியின் விலை ரூ.5 குறைந்து ரூ.260-க்கும், ஒரு கிலோ வெள்ளி ரூ.2.60 லட்சத்துக்கும் விற்பனை செய்யப்படுகிறது.
தங்கத்தின் விலை மீண்டும் ஒரு கிராம் ரூ.15,000-க்கு கீழ் குறைந்துள்ளது, நடுத்தர ஏழை குடும்பத்தினர் மத்தியில் சற்று ஆறுதலை தந்துள்ளது.
